سألوني

سألوني الناس أيام و سنين .......... مين هي الروح مين نور العين

كنت أسكت و أخبي عليهم .......... مـن خوفي تحسدنـي عنيهم

لكن اليوم راح أبـوح و أقـول .......... دا كلامـي عنها يـطول و يـطول

أوصفـهـا بـإيــه و للا بـإيــه .......... دا الوصـف سـنين مـــا تـكفِّيــه

دا جمالها سبحان من صور .......... أوصفهـا بـإيــه .. بـدر منــور ؟!

لا و الله وصفـي دا ظـالمهـا .......... دا البـدر متـرضـاش يـخدمهــا

و الشمس تغيب من ضحكتها .......... و الفل يـغيـر مـن بـسمتـهـا

أتــكـلـم تـانـــي أقـــول إيــه .......... دا مفيش وصف يكفــي عنيـه

عـن أخـلاقهـا أحكــي فصول .......... أحسـن تـربيــة بـنت أصـــول

و كتيــر ضـربـــوا بيهـا المثــل .......... قـلبـهــا طـيب زي الحـمــل

لا و اللـه تـانــي بـأظـلـمـهــا .......... الطـيبــة منـهــا إتــعلمـهــا

راح أقول إيه تاني عن حبي ........ اللي واحشني وهو في قربي

اللي معاه بتحلـى أيـامـي .......... و بشوفـه حتـى فـي منـامـي

النـظرة منــه بـتـإســرنـي .......... و اللحظـة فـي بـعده بتقتلنـي

دا كـلامـه ألـحان و أغانــي .......... بـسمـاتــه تـبـدد أحـزانـــي

راح أقولهـا و بــعلـو الصـوت .......... راح أحبــك و لبــعـد المــوت