مش عارف

بحب؟!!!!!!!!!
مش عارف
لا مش بحب
برضه مش عارف
احساس غريب حسيته
لكني مش عارف
غريب أنا و الله
عن نفسي .. مش عارف
بتمنى ألاقي الحب
لأ هو اللي يلقاني
بتمنى أعيش مع قلب
يهواني يرعاني
معرفش أصارح حد
لأني مش عارف
فعلاً بحبه بجد
و للا ده شيء تاني
أنا أمري و الله عجيب
احساسي خدّاع
بخاف أمان أديه
يخوني من تاني
مش عاوز أرجع أقول
في الوهم ودّاني
هصبر كتير و هكون
أوضة لأحزاني
لحد ما المعجزة
تحصل تداويني
هو يصارحني
من حبه يديني
أنا أكيد مجنون
عايش في كون غير كون
عايز أعيش بسلام
و لا يوم أعيش أحزان
أتمتع بالعسل
و غيري قرصه ... يعاني
أنا شخص أناني
و برضه مش عارف
مصيري ايه هيكون
مادمت مش عارف
تايه أنا في الكون
لوحدي راح أعاني
يمكن حبيب مجنون
ينقذني من نفسي
ينقذني من المجهول
و ينهي أحزاني
لكني .. برضه .. أكيد
مش عارف