فقران عاش متهني .. للفقر كان مستني .. ما أكيد هييجي هم .. دي حياته كلها غم .. و الهم كان قرِيب .. دا الهم ليه حبيب
في يوم فقران كان قاعد .. بيقشر توم بيساعد .. قال لمراته هندية .. "إيه اخبار التقلية ؟" .. قالت له "جهزت خلاص .. و خِلِصِت أنبوبة الغاز" ..
قال لها " إزاي يا ولية .. كل ده من التقلية ؟!" .
"دي بقالها يا أخويا شهر .. عايزها تقعد دهر ؟!! "
مصمص فقران في شفايفه " أهو ده اللي كنت خايفه .. كانت بتكفي شهرين .. دلوقتي آخرها يومين .. إنتي مبذرة يا هندية .. إمسكي إيديكي شوية "
" ناكل الأكل ني .. و للا ندور نشحت م الحي ؟!!!"
" لأ مش قصدي يا هندية .. بس دا حكم النقدية .. من يوم ما إتجوزتك و مصاريف البيت في الطالع .. و كل شوية دافع .. حرام عليكي يا ولية .. شمتي الناس فيه "
"إنت اللي شحات .. عايز ناكل فتات .. دا إنتا جوعتني .. في الفقر ضيعتني "
"خلاص اهدي يا هندية .. أنا غلطانلك يا عنيه " " و أنا كمان غلطانه .. بس منك زعلانة " " متزعليش يا روحي .. دا عشانك أقتل روحي "
رجع الوفاق تاني .. بس الفقر دا أناني
راح فقران للمستودع .. بعد ما هندية ودع .. قال له "عايز أنبوبة" .. "خلاص .. بح يا حبوبة " " يعني ايه خلاص ؟!!" " خلصوا و لسه مجلناش "
طول النهار بيدور ..في ساقية زي الطور .. لكن برضه ملقيش .. كأنه عايز حشيش
في الآخر لقى أنبوبة .. عند الست ذنوبة .. قالها " البومبة بكام ؟" .. قالت " يا واد يا حسام .. تعالى حاسب البيه .. و ابقى حنين عليه " " ادفع عشرين جنيه .. و أركبها يا بيه "
فقران سمعه اتصدم .. توازنه اختل .. اتعدم .. و طبعاً مشتراش .. ان شالله يشيله أشاش
رجع بيته مصدوم .. زادت همومه هموم .. هيحل المشكلة دي ازاي .. ليه الدهر كتير أساي
قابلته مراته بموشح .. سابها و راح يتفسح .. عن نفسه يفك شوية .. و بلاها دي ملوخية
و هو ماشي بيفكر .. خبط في الواد عنتر .. دا أخو صحبه حسان .. اللي مات من زمان
"فقران ؟!! أخبارك ايه ؟ .. مالك مهموم ليه ؟ " " ازيك ياض يا عنتر .. في مشكلي أكيد بأفكر"
" ايه بس احكيلي يا أخويا .. لو كنت تعز أخويا " " الله يرحمه حسان .. لقلبي أقرب إنسان .. أنابيب الغاز دي كابوسي .. هتخلص كل فلوسي " "ياه دي حاجة جداً سهلة .. للحزن مش مستهلة "
" إزاي يا عنتر بس .. بالأزمة ياريت تحس "" إنت متعرفش أخو صاحبك .. مستودع مراتي جنبك " "إنت إتجوزت يا واد؟!! .. الواد كبر يا ولاد "
"أومال من زمان .. بص يا أخويا فقران .. كل أنابيبك عندي " "و السعر ؟" " برضه عندي " " لأ لأ كتير عليا .. و لا شيء يكتر يا عنيا .. دا إنتا زي أخويا ..زي ابن أمي و أبويا .. أنبوبتك كل شهر .. ان شالله اتنين في الشهر " " و الله ابن أصول .. إفضل كدا على طول "
رجع فقران سعيد .. اتحول يومه لعيد .. كَل ملوخية هندية .. و إتعشى عشوة هنية
"يا سلام على الأيام .. مستودع يا ابن إمام؟!! "
في يوم فقران كان قاعد .. بيقشر توم بيساعد .. قال لمراته هندية .. "إيه اخبار التقلية ؟" .. قالت له "جهزت خلاص .. و خِلِصِت أنبوبة الغاز" ..
قال لها " إزاي يا ولية .. كل ده من التقلية ؟!" .
"دي بقالها يا أخويا شهر .. عايزها تقعد دهر ؟!! "
مصمص فقران في شفايفه " أهو ده اللي كنت خايفه .. كانت بتكفي شهرين .. دلوقتي آخرها يومين .. إنتي مبذرة يا هندية .. إمسكي إيديكي شوية "
" ناكل الأكل ني .. و للا ندور نشحت م الحي ؟!!!"
" لأ مش قصدي يا هندية .. بس دا حكم النقدية .. من يوم ما إتجوزتك و مصاريف البيت في الطالع .. و كل شوية دافع .. حرام عليكي يا ولية .. شمتي الناس فيه "
"إنت اللي شحات .. عايز ناكل فتات .. دا إنتا جوعتني .. في الفقر ضيعتني "
"خلاص اهدي يا هندية .. أنا غلطانلك يا عنيه " " و أنا كمان غلطانه .. بس منك زعلانة " " متزعليش يا روحي .. دا عشانك أقتل روحي "
رجع الوفاق تاني .. بس الفقر دا أناني
راح فقران للمستودع .. بعد ما هندية ودع .. قال له "عايز أنبوبة" .. "خلاص .. بح يا حبوبة " " يعني ايه خلاص ؟!!" " خلصوا و لسه مجلناش "
طول النهار بيدور ..في ساقية زي الطور .. لكن برضه ملقيش .. كأنه عايز حشيش
في الآخر لقى أنبوبة .. عند الست ذنوبة .. قالها " البومبة بكام ؟" .. قالت " يا واد يا حسام .. تعالى حاسب البيه .. و ابقى حنين عليه " " ادفع عشرين جنيه .. و أركبها يا بيه "
فقران سمعه اتصدم .. توازنه اختل .. اتعدم .. و طبعاً مشتراش .. ان شالله يشيله أشاش
رجع بيته مصدوم .. زادت همومه هموم .. هيحل المشكلة دي ازاي .. ليه الدهر كتير أساي
قابلته مراته بموشح .. سابها و راح يتفسح .. عن نفسه يفك شوية .. و بلاها دي ملوخية
و هو ماشي بيفكر .. خبط في الواد عنتر .. دا أخو صحبه حسان .. اللي مات من زمان
"فقران ؟!! أخبارك ايه ؟ .. مالك مهموم ليه ؟ " " ازيك ياض يا عنتر .. في مشكلي أكيد بأفكر"
" ايه بس احكيلي يا أخويا .. لو كنت تعز أخويا " " الله يرحمه حسان .. لقلبي أقرب إنسان .. أنابيب الغاز دي كابوسي .. هتخلص كل فلوسي " "ياه دي حاجة جداً سهلة .. للحزن مش مستهلة "
" إزاي يا عنتر بس .. بالأزمة ياريت تحس "" إنت متعرفش أخو صاحبك .. مستودع مراتي جنبك " "إنت إتجوزت يا واد؟!! .. الواد كبر يا ولاد "
"أومال من زمان .. بص يا أخويا فقران .. كل أنابيبك عندي " "و السعر ؟" " برضه عندي " " لأ لأ كتير عليا .. و لا شيء يكتر يا عنيا .. دا إنتا زي أخويا ..زي ابن أمي و أبويا .. أنبوبتك كل شهر .. ان شالله اتنين في الشهر " " و الله ابن أصول .. إفضل كدا على طول "
رجع فقران سعيد .. اتحول يومه لعيد .. كَل ملوخية هندية .. و إتعشى عشوة هنية
"يا سلام على الأيام .. مستودع يا ابن إمام؟!! "
0 التعليقات:
إرسال تعليق