الحب له ناسه

يا قلبي يللا انساه و انسى ايامه
الحب مات وياه و دفنت احلامه
خلاص قررت اعيش حياتي من تاني
فوّقت قلبي خلاص من احلى اوهامه

هتعيش يا قلبي سنين لا تحب من تاني
هتعيش في شوق و حنين و هتبقى وحداني
لكن عشاني انساه و ياك انا هنسى
خليني اعيش وياك في عنيه أحزاني

استنى قلب حزين تحبه تهواه
تطلعه من الحزن و الحزن تنساه
تعيش معاه من تاني و تنسى أيامك
و تبقى واحد تاني لا يخاف من الآه

و لو ما لاقيت الحب بعد البعاد لسنين
اعرف بانك قاسي عليا انا المسكين
لحبه ليه مش ناسي يا قلبي ارحمني
انا في العذاب عايش الحب اجيبه منين

ياقلبي انسى الحب الحب ليه ناسه
هاعيش انا و اياك و هننسى احساسه
خلينا بس نعيش على ذكرى حب وراح
كان أحلى حب سنين و جه الزمان داسه